Декан (6 жыл жана ОКББ) Эл аралык медицина мектеби, Кыргызстандын Эл аралык университети
Исакова Айгүл Турсунбековна
Илимий даражасы: педагогика илимдеринин кандидаты
Илимий наамы: доцент
Байланыш
Дареги: 720082, Кыргыз Республикасы, Бишкек шаары, 7-Апрель көчөсү, 6, Чыгыш медициналык кампус,902-кабинет
Email: aigul.isakova@mail.ru
Деканаттын максаты
Деканаттын негизги максаты – окуу процессин натыйжалуу уюштуруу, илимий изилдөөлөрдү координациялоо жана клиникалык практиканы интеграциялоо аркылуу Эл аралык медицина мектебинин бардык иш багыттарынын сапаттуу иштешин жана стратегиялык өнүгүүсүн камсыз кылуу. Бул өз кезегинде калктын ден соолугун сактоо жана чыңдоо тармагында жогорку квалификациялуу, компетенттүү жана социалдык жоопкерчиликтүү адистерди даярдоого багытталган.
Деканаттын максаттары
- Окуу үчүн ыңгайлуу шарттарды түзүү
- Студенттерге академиялык колдоо көрсөтүү
- Алардын билим алуу жолун коштоп жүрүү
- Уюштуруучулук жана окуу маселелерин чечүүгө жардам берүү
- Келечектеги медициналык адистердин кесиптик жана жеке сапаттарын калыптандырууга көмөктөшүү
Деканаттын милдеттери:
- Окуу процессин уюштуруу: сабактардын расписаниесин түзүү, студенттердин катышуусун жана жетишкендиктерин көзөмөлдөө, экзамендик сессияларды уюштуруу
- Академиялык коштоо: окуу маселелери, которулуу, калыбына келүү, академиялык өргүү боюнча кеңеш берүү
- Студенттерди колдоо: жеке жана социалдык маселелерди чечүүгө жардам берүү, биринчи курстун студенттерин адаптациялоо, академиялык карыздардын алдын алуу
- Документтик иштер: справкаларды, мүнөздөмөлөрдү, практикага багыттамаларды даярдоо, студенттик документтерди жүргүзүүнү уюштуруу
- Окуудан тышкаркы ишмердүүлүк: студенттик демилгелерди, илимий ийримдерди, иш-чараларды, ыктыярчылыкты жана спорттук активдүүлүктү колдоо
- Тартипти көзөмөлдөө: ички эрежелерди сактоо, тартип бузууларга чара көрүү
- Маалымат берүү: студенттерге окуу жана уюштуруучулук маселелер боюнча маанилүү маалыматтарды өз убагында жеткирүү
- Окутуучулар жана ата-энелер менен кызматташуу: студенттердин ийгиликтүү окуусу жана жеке өнүгүүсү үчүн өз ара аракеттенүү