Жалпы маалымат
КЭАУ ЭАММ окуу жайынын студенттери, анын ичинде чет өлкөлүк студенттер, милдеттүү медициналык камсыздандыруу (ММК) менен камсыздалат жана жыл сайын медициналык кароодон өтүшөт.
Бул иштер Кыргыз Республикасынын мыйзамдарына ылайык уюштурулуп, студенттердин ден соолугун сактоого жана чыңдоого багытталган.
Ченемдик-укуктук база
- Кыргыз Республикасынын «Жарандарды медициналык камсыздандыруу жөнүндө» Мыйзамына өзгөртүүлөрдү киргизүү тууралуу Мыйзамы, 2023-жылдын 22-февралы
- Кыргыз Республикасынын Министрлер Кабинетинин №491 токтому, 2023-жылдын 20-сентябры
- Милдеттүү медициналык камсыздандыруу фондунун №226 буйругу, 2023-жылдын 28-декабры
- Милдеттүү медициналык камсыздандыруу фондунун №13 буйругу, 2024-жылдын 29-январы
- Кыргыз Республикасынын Саламаттык сактоо министрлигинин №570 буйругу, 2024-жылдын 29-майы
Келишимдик база
Медициналык камсыздандырууну уюштуруу жана маалымат берүү иштери
Университетте студенттерди, анын ичинде чет өлкөлүк студенттерди, ММК полисин алуу жана пайдалануу тартиби боюнча маалымдоо иштери системалуу түрдө жүргүзүлөт.
Медициналык кароолорду уюштуруу
Медициналык кароолор бекитилген графикке ылайык №4 Үй-бүлөлүк медицина борборунда, студенттик поликлиникада жана университеттин медициналык пункттарында өткөрүлөт.
Камсыздандыруу боюнча маалымат
Азыркы учурда 1857 студент ММК полистери менен камсыздалган.
Полистин жарактуу мөөнөтү 1 жыл жана жыл сайын узартылат.